Den e proceso pa wak con ta bay atende cu diferente reto cu DIMAS mes ta encontrando pa implementacion di un sistema nobo, cu a implementa desde 1 di September, a haci algun recomendacion na minister y por lo tanto lo bay comunica dos cambio. Esaki no ta nifica cu esaki ta e cambionan final. Lo bay tin un evaluacion den maneho y e lo wordo anuncia na su debido tempo, segun directora di DIMAS, Kathy Ruiz-Paskel.
Tin dos cambio. E prome ta cu ta anuncia cu e grupo di personanan cu na momento cu tin un aplicacion pa prome permiso na DIMAS y cu pendiente e contesta riba esaki, por keda Aruba en espera di e contesta final. A sinta y wak cua ta e gruponan cu no ta haci un peso riba e mercado na e momentonan aki y cu tin si un contribucion grandi na economia y a delinea e siguiente maneho hunto cu Minister di Husticia y Integracion, cual ta encera cu personanan cu a aplica como inversionista, personanan cu a aplica como rentista, pensionado. Tambe stagiaire y tambe personanan casa di personanan local (Arubiano). Nan y nan famia por permanece na Aruba pendiente cu DIMAS ta trata e prome peticion.
Demas gruponan, locual cu ta maneho vigente di Gobierno keda aplicabel, loke ta encera e prome peticion lo mester wordo spera den exterior. Esey ta locual cu ta bay anuncia awe. Esey ta e prome parti.
DIMAS y IASA tabata tin un periodo bezig den negociacion pa wak si e parti di estadia cortico (kortverblijf of touristisch verblijf), lo mester ta un tarea cu DIMAS lo mester keda cun’e of lo mester pasa pa IASA. A yega asina leu awor aki, hunto cu Minister di Husticia, unda cu ta anuncia awe cu entrante di dia 1 di Januari, e servicionan di kortverblijf y e parti di control di garantia, etc. lo ta partinan cu ta tareanan cu DIMAS ta traspasa pa IASA. Esakinan, te cu awor aki, tur locual cu DIMAS tin den proceso cu a wordo entrega prome cu e fecha di awe, minister tambe a considera e problemanan tecnico cu DIMAS tin cu e sistema nobo, a bin cu un maneho cu e hendenan cu aplica ta haya standard, locual cu a pidi, contal cu e no surpasa e cantidad di dianan maximo permiti pa ley. Si a pidi pa haya 60 dia adicional riba locual cu a haya ya caba na imigracion, lo por haya por lo general un total di 90 dia pa entrada. Tin casonan di hendenan cu tin propiedad na Aruba, timeshare, botonan di un cierto grandura. Pa eseynan e mesun reglanan anterior a keda vigente. Eseynan por haya 180 dia consecutivo na entrada y esey no a cambia. Esaki ta keda aplicabel. Solamente pa e grupo cu a haci peticion y pa motibonan tecnico cu DIMAS no a contesta, por lo tanto lo cera esakinan cu un toekenning di e peticion. Entrante Januari, lo tin otro reglanan aplicabel.
Esey ta e dos cambionan principal resumi. Fuera di esey ta den un tanda como DIMAS mes pa duna minister feedback riba locual ta ahustenan den maneho cu lo por sirbi e proposito grandi.
