Den careda di 7or di diamars anochi, patruya di trafico a ser dirigi na e crusada di Bubali, caminda a sosode un accidente entre un brommer y un auto. Na yegada di patruya a topa cu un Suzuki Swift color shinishi numera A-25255 y un scooter color cora numera mfa-1716. Ora polis a bay chek kiko exactamente a sosode, e manehador di e scooter a conta polis cu e ta bayendo riba e caminda di Bubali bayendo abou y na dado momento e Suzuki biniendo for di pabou bayendo ariba a lora na su man robes y no a paga tino cu tin un scooter biniendo for di pariba i cu consecuencia cu e scooter a dal den e Swift. Ambulance a presenta na e sitio di e incidente pa asina Paramediconan duna asistencia medico. Daño material tabata minimo.
