Por a tende cu e shoco di parlamento a wordo saca for di parlamento, Speed Andrade a wordo saca di parlamento. Tin mas hende tin di compronde cu ta riba lista pa wordo persigui y un di e lamentabelnan cu tin cu papia riba dje ta e hecho cu nan tin un hoben, den e caso aki Marko Espinoza, cu a bira e prome victima di persecusion politico y persecusion legal politico tambe di e Gobierno aki.
Segun parlamentario Arthur Dowers, den un entrevista, sra. Wever-Croes, a laga sa cu a manda cera Marko Espinoza, pasobra segun e, Marko Espinoza a horta diferente aparato di Gobierno. Den e entrevista aki por a tende bisa cu e no sa kico tin den bestuurskantoor, cu ta algun miembro di prensa a mira cierto cosnan y pesey el a dicidi di denuncia sr. Marko Espinoza.
No tin problema pa denuncia ningun hende, pero ta inaceptabel. Si tene cuenta cu e mes como minister sa e nivel caminda di nos cuerpo policial y ministerio publico. Sa di e retonan grandi cu tin di persecucion di criminalnan. Criminalnan grandi y pisa den e pais aki y mester haci hopi esfuerso pa por a produci capacidad y paga hopi placa na overtime cu partido MEP y partido POR, tabata critica pisa, pasobra no tabata paga overtime pa polis ni pa recherche y ta overschrijd esey den presupuesto, pasobra no tabata tin suficiente capacidad pa atende cierto criminalnan pisa cu tin aki riba. Entre otro pedofiel, violador, matador. No tin suficiente hende pa atende cu e casonan aki, pero nos prioridad cu e Gobierno aki a dicidi. Minister di Husticia y minister asuntonan general a sinta, cu ministerio publico a bisa nan cu prioridad ta pa cera Marko Espinoza.
E ta lamentabel y bergonsoso pa democracia. Tin un caminda cu sra. Wever-Croes mes ta admiti esey. E ta bisa tambe y esey ta algo hopi importante cu tin cu wordo poni riba mesa, cu tur departamento, cu lo por a ricibi material di gobierno, cu nan mester bin trece sino e ta bira ladronicia.
Por bisa cu Dowers a firma como minister di husticia y cu autoridad duna door di dje, na un parlamentario di 12 asiento di un partido. No un gobierno cu a cumpra hende of hende a cumpra pa ta sinta hunto. Un Gobierno di 13 asiento cu e autoridad cu e tabata tin como minister di husticia, pa asina duna autorisacion na algun persona pa nan tin cierto material pa nan uza. Eynan tabata tin caminda cu por ehempel un hende a bay cu un computer y un bureau. Esey tabata autorisa y stipula pa e minister y ta prueba legal. Evelyn Wever-Croes no por bay bisa cu esey no ta un crimen y cu lo bay laga persigui nan. No mester tin miedo di dje. Evelyn Wever-Croes ta pa un rato e tey. Ta hopi di e ambtenaarnan cu pa hopi aña cu e ta bay persigui awor aki. Despues cu e bay, nan lo tey ainda, pasobra ta un rato e lo tey eynan. Un rato el a haya e chens pa drenta pasobra el a logra di cera un gobierno cu personanan cu te awe, no ta compronde pa mas y mas ta bira cla pa Dowers, con nan por a yega eynan, pasobra nan no por a pasa un screening di moralidad y decencia. Cu nan no a bay cera nunca, pasobra cu nan ta sabi cu nan tabata horta. Esey ta berdad. Pero cu nan ta hendenan cu por ta sinta eynan como minister, no por. Esey ta loke cu Dowers y mas hende sa y e berdad eynan lo bay wordo divulga. Un tempo nan a logra pa motibo di cos. Nan kier cos y poco poco ta saliendo y lo divulga na prensa, kico ta e agenda cu nan tin, pasobra ta mirando e agenda tur dia y ta cuminsa tira algun cos caba den prensa pa asina nan cuminsa prepara pueblo kico ta e pasonan cu nan lo tuma pa faborece esnan cu tin nan cumpra.
