304
Diasabra marduga a sosode un accidente serio na altura di Carnival Village na San Nicolas. Un auto a alcansa un hende homber di edad avansa y a bay lag’e benta na suela den un situacion grave.
Autoridad cu a yega na e sitio a pidi pa paramediconan yega mesora. A transporta e victima cu urgencia pa hospital unda el a ricibi tratamento medico avansa pa despues keda interna den cuido intensivo. Su situacion ta delicado y preocupante.
Polis di San Nicolaa a start un investigacion mesora y no a dura mucho cu a bin topa cu e auto na un cas scondi. A detene e chauffeur na e sitio, a test e na ward’i polis y a resulta cu e ta burachi. A detene mesora pa a causa un desgracia serio bou influencia di alcohol.
