Mario Arends ta cruisemanager na ATA y el a conta di un dia hopi druk pa nos waf, pa nos centro di ciudad. El a conta cu high season di turismo di crucero a cuminsa oficialmente dia 1 di October y por a mira mas y mas actividad di turismo crucero lo incrementa. Awe por a mira un dia bastante druk. Ta calcula mas of menos dies mil pasahero lo a circula riba e isla. Particularmente lo bay nota hopi den centro. Pero tambe otro partinan di e isla sigur tambe.
Con prepara
Segun Arends, tin hopi preparacion. Un parti ta e comunicacion, via social media, via broadcast di SMS, tipo di cosnan asina sigur a purba di informa mas tanto posibel e comunidad, riba con e dia ta bay ta y naturalmente e parti di comerciantenan tambe, ta mas prepara y sa e ora cu ta bay ta un dia druk. Naturalmente e parti di e industria mes, e hendenan cu ta biba hopi di e industra aki ta haciendo nan apreparacionnan debi, pa asina probecha mas posibel y duna un experiencia mas positivo ainda na nos bishitantenan.
Barconan
Arends a splica cu tur linea ta diferencia. Tur tin un otro tipo di pasahero. E ta depende tambe ken bo ta puntra. Si bo ta puntra un retailer, un persona di negoshi, cua barco nan prefera, por ta nan ta duna un otro opinion, por ta cu un touroperator. Nan patronchi di consumo, di loke ta actividad y haci na Aruba, ta varia di barco pa barco, pasobra nan ta otro tipo di pasahero.
Esfuerso
E trabao ta un esfuerso constante. For di delanta ki e dia druknan lo bay ta. Di parti di druk adicional cu lo tin, a base di loke a pasa cu e horcan parti nort di Caribe, a haya pasaheronan adicional. Esey a haci algun dia mas druk cu mester premira. Ta haci miho probecho di dje. Pero e preparacion ta constant, cu diferente reunion, manera di Cruise Action Taskforce cu ta reuni a base operacional cu percura pa haci miho preparacion posibel. Directamente cu APA, nan a en conhunto pa percura cu e parti eynan a haci un miho trabao posibel, pa asina evita tur complicacion.
Lo topa cu e dia aki bek
Esaki ta un sigur. Lo bay tin varios dia eynan. Otro siman diaranson mes, dia 25 di October, lo bay ta un dia parecido na esaki. Si bo ta bay wak hopi otro dia den November lo bay tin varios dia druk. December, dia 26, sigur lo bay ta un dia druk. Apelacion ta bay na esnan cu dia 26 un dia cu no ta habri, pero ta un oportunidad pasobra ta bay tin hopi pasahero, hopi persona den centro di ciudad y riba nos isla.
Ta bay tin diferente dia y esey lo bay ta anunciando pa e ora por ta mas prepara posibel pa e dianan druk manera awe.
Con ta midi e exito
Arends a comenta cu tin diferente di midie. E manera mas tradicional ta e cantidad di turista .Esey sigur ta bon pa wak. E anja aki lo bay yega mas of menos 770 mil pasahero. Otro anja lo surpasa 800 mil pasahero y sigur esey ta un bon manera pa midi’e. E volumen sigur ta importante pasobra tin hopi compania, hopi hende ta depende di e industria aki. E volumen sigur ta yuda hopi.
E otro parti hopi importante ta e calidad. E impacto economico cu e turistanan aki ta laga. Esey por a wak cu di anja pasa, compara pa e anja aki tin un incremento di 4%. Pero tambe ta wak otro factornan tambe, manera e informacion di satisfaccion cu a haya di nan propio investigacion y estudionan, pero tambe di e barconan di crucero. Eynan tambe por bisa cu Aruba por ta contento cu e ranking, e parti eynan ta hopi positivo pa Aruba. Lineanan di crucero manera Carnival, Royal Caribbean, sigur ta rank Aruba, ta duna Aruba un rating hopi positivo. Sigur entre prome tresnan den Caribe. Esey sigur ta duna hopi stimulacion pa por sigui traha y duna tur hende mas incentivo pa sigui mehora cada biaha. E otro destinonan sigur ta traha duro pa nan tambe por haci miho uzo posibel di e industria. Tambe mester sigui traha mas duro.
