Pueblo di Aruba tin su ultimo chens pa mira e pelicula local Huicio Perfecto. Ta pasa esaki diaranson awo na Drive In na Balashi.
Un di e personahenan den e pelicula aki ta Max Harms, e homber malo, interpreta pa Manuel da Silva, mas conoci aki na Aruba pa su envolvimento den mundo di deporte y su programanan deportivo.
“Max Harms” a conta cu a estrena e pelicula aki na luna di maart, husto temporada cu e crisis di Covid-19 a cuminsa na Aruba. Despues a haci tur intento pa pone un biaha mas riba pantaya grandi, mirando cu e cantidad di dianan cu el a pasa tabata hopi tiki. Pero no a logra.
Awo cu Drive-In a habri su portanan, e tabata un bon oportunidad pa pueblo por mira “Huicio Perfecto”, principalmente esnan cu no a haya e chens den luna di maart. E ta haci un apelacion na pueblo pa apoya e pelicula aki cu ta consisti di elenco completamente local, cu un director local.
E ta riba pantaya grandi di Drive diaranson, 16 di september. Pa 6’or di atardi porta ta habri y pa 7.45 e pelicula ta cuminsa. Ta recorda tur hende cu tin espacio pa 350 auto y den cada auto por tin cinco persona. Probecha di e unico oportunidad cu a keda pa mira e pelicula local “Huicio Perfecto”.
