Manera ta conoci minister Paul Croes ta cera relaciona cu un investigacion cu ta andando. for di dia cu e tabata cera, e tabata tin beperking. E tres lunanan cu e tabata tin cera, e no tabata tin mag di tin contacto ni cu su famia, ni casa, ni cu su yiunan. Abogadonan a traha y tabata den contacto cu Ministerio Publico y a base di e combersacionnan cu nan a hiba, finalmente a yega na un acuerdo y diaranson atardi a drenta e informacion cu a dicidi cu lo kita beperking di Minister Paul Croes. Esey ta nifica cu mesun atardi caba telefonicamente, e por papia cu su famia. Probablemene e lo por mira su yiunan y su casa ora nan bay bishite na KIA y por mir’e bek despues di casi 3 luna den prizon. Esey lo no nifica cu e lo sali liber. E ta cera, e beperking a wordo kita. Dia 14, si ta bon, e tin cu presenta den corte.
