Durante luna di november, dedica mundialmente na conscientisacion tocante diabetes, ta importante pa Aruba pone mas atencion riba prevencion, alimentacion saludabel y actividad fisico. E mensahe aki ta bin di un parlamentario y presidente di e Comision di Salud, kende ta alerta riba e cifra preocupante di diabetes y obesidad den comunidad.
Segun e declaracion, alrededor di 16% di poblacion di Aruba ta sufri di diabetes. Ademas, actualmente tin aproximadamente 200 pashent cu ta ricibi tratamento di dialisis diariamente. Di e grupo aki, segun e parlamentario, 90% ta pashent diabetico cu a desaroya complicacion debi na diabetes no controla.
E parlamentario a enfatisa cu un di e problemanan principal ta e consumo excesivo di sucu, specialmente door di softdrink, juice cu hopi sucu y bolo. E a indica tambe cu 78% di poblacion ta sufri di sobrepreso, mientras cu 46% ta obeso. E situacion aki ta aumenta e riesgo pa diabetes, presion halto y otro problema di salud.
Diabetes no controla por causa daño serio na curpa, incluyendo problema cu nervionan, circulacion sanguineo, perdida di sensibilidad den pia, problema di bista y daño na riñon. Den caso severo, esaki por conduci na insuficiencia renal y e necesidad di dialisis.
Pa mas lesa TREMPAN.
