Como duo nan a bin ta crea diferente cantica hunto, den e genero di Hip Hop. Bou di encargo di Chando Held canticanan ta raya un atmosfera di relahacion cu letra poderoso cu ta toca e bida na Aruba.
E idea pa lansa un EP hunto a bini den temporada di pandemia di Covid-19. Awor despues di un trayectoria largo ta presenta e produccion completo pa e publico por disfruta di dje.
E nomber “Paga Tera” tin raiz den e sistema colonial na unda despues di emancipacion personanan libera riba papel tabata pertenece den e un sistema di desigualdad na unda nan mester a sigui labora den situacion deplorabel pa por biba un bida digno.
Chando y Ginelly, ademas di ta rapper ta dos creativo local cu cu interes den historia di Aruba ta purba di analisa y refleha riba echonan historico den nos region y e impacto cu esaki tin riba nan bida diario.
E cantica “Eternidad” ta toca e tema di despedida y kico e palabra ta nifica pa Chando y Ginelly. E video oficial a produci pa Jhon el Gayo ta wordo lansa dia 10 di november 2026. Produccion ta conta cu contribucion di KD di Basic One. EP completo cu lo ta obtenibel 20 di november riba Youtube/ Chando Rib’e Track.
