Diadomingo, pa exactamente pa 5:30 am, dilanti di Joe Laveist Sport Park na San Nicolas, Minister di Enseñansa y Deporte Sr. Endy Croes a duna señal di salida na unda un total di 895 persona a participa.
Alexander Hodge tabata prome coredo pa crusa meta final cu un tempo di 1:19:01, e di dos coredo pa crusa meta final tabata Rick James cu a core un tempo di 1:19:30 y e di tres coredo masculino pa crusa linea final tabata Aric Champagne.
Pa loke ta trata e damanan, prome dama pa crusa meta final tabata Lana Gobert cu a logra esaki den 1:30:19, e di dos dama cu a crusa meta final tabata Tatiana Villa cu a logra esaki den un tempo di 1:34:59, sigui pa Rebecca Jansen cu a logra crusa meta final cu tempo di 1:35:41.
Locual cu tambe a resalta cu IBiSA pa prome biaha a inclui un Kids Run den e evento aki cu a hala hopi atencion di esunnan presente.
E pensamento tras di esaki ta pa for di chikito introduci e muchanan den competencia na un nivel recreativo, pero cu e intencion pa nan sigui participa y converti nan mes den coredonan di distancia largo pa futuro.
Tur esnan interesa por mira resultado den cada categoria via link: https://results.sporthive.com/events/7165869517075081216.
Un ambiente hopi alegre y emocionante na unda familiarnan, conocirnan y fanaticonan tabata rondona e area di yegada y tambe podium na unda a premia e Ganado nan.
E miembronan di Management Team di IBiSa, Wladimir Wolff y Jessy Beukenboom a haci entrega di e premionan principal, mientras cu William Erasmus, Hefe di Comunicacion, Francis Tromp, Coordinado di Careda, Kamilah Dammers, Hefe di Deporte Escolar y Mildred Wever, Coordinador di Deporte Escolar a haci entrega di diferente otro premio.
IBiSA kier a felicita tur e ganado- y e participantenan, tambe kier a gradici tur e instancianan cu a colabora cu e di 38 Aruba International Half Marathon, manera Minister di Enseñansa y Deporte, Cuerpo Policial Aruba, Brandweer, DOW, FFD, Rode Kruis, EMS-Aruba, Motor Unit Aruba, Patrishi Sports, Alhambra Casino, e grupo grandi di boluntario, y por ultimo henter staff y personal di IBiSA, di parti Management Team, danki na un y tur.
