Djasabra 10 di novèmber 2018 alrededor di mitar di 4 di mardugá, un unidat di e Tim di Mantenshon di Òrdu Públiko, durante di un kontrol na altura di un trùk di pan riba Sta. Rosaweg, a detené e hòmber C.A.C.V. di 29 aña di edat nase na Kòrsou, pa posishon ilegal di arma di kandela.
A konfiská e arma di kandela i a presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.
