Relashoná ku un kaso di destrukshon i menasa ku a tuma lugá na un kas na Berg Domi, polis a detené djasabra 14 di sèptèmber 2019 alrededor di 06.50’or di mainta un dama. Un unidat di polis di Otrabanda a keda dirigí pa un kas na Berg Domi, unda tabatin diskushon entre un dama i abitantenan di e kas ei.
E dama sospechoso G.M.R. nase na Venezuela di 30 aña di edat ku tin un yu ku e hòmber ku ta biba na e kas en kestion, a yega einan i a kibra e porta di skùif, miéntras el a menasa e hòmber i su partner. Polis ku a yega na e sitio a detené e dama aki i a present’é dilanti di un fiskal ouksiliar ku a ordená su enkarselamentu pendiente di mas investigashon.
