Chendrik Maduro y Luis David Florez Mejiano a scapa di e acusacionnan di intento di asesinato y a condena nan conforme e demanda di representante di Ministerio Publico. E demanda ta cuadra cu loke Fiscalnan a yega di pidi den pasado den casonan similar.
Ta trata di un caso cu a tuma luga dia 21 di September, 2018 na Tanki Leendert.
Pa Corte no tabatin duda basa riba loke Fiscal y Polis a pone den rapport cu e dos acusadonan ta esnan cu dia 21 di September aña pasa riba un scooter a los 3 pa 4 bala riba e hoben Carrasquero. Dos bala a alcansa e hoben den su lomba ora cu e tabata trata di huy for di e duo.
Tiramento na Shiribana
Posted by 24ora on Friday, September 21, 2018
Mirando cu nan a haci uzo di un arma di candela, tambe a keda proba posesion di un arma y Maduro tambe a wordo haya cu cocaina den su poder, cu el a bisa ta pa propio uzo.
E delito, Hues a bisa ta uno hopi serio y cu te ainda e victima ta afecta y trauma pa loke cu a pasa cune. E dos acusadonan a yega di haya nan mes envolvi cu husticia caba den pasado.
E dos acusadonan a nenga di ta esnan responsabel pa e tiramento. E victima den pasado ya caba a sufri un atentado ora cu a dal’e intencionalmente cu auto.
Pa e motibonan menciona a bay di acuerdo cu e demanda, pues ocho aña pa ambos. Tambe a otorga e victima un compensacion di 5 mil florin
