Djasabra 19 di yanüari 2019 den oranan lat di mainta, e Tim di Mantenshon di Òrdu Públiko, U.S.T. (Unidat enkargá ku tareanan speshal di polis) den koperashon ku personal di S.O.A.W. a tene kontrol na un establesimentu en konekshon ku violashon di reglanan di labor.
Na e establesimentu polis a detené 8 persona, di kua nan pèrmit di estadia pa permanesé riba nos isla a vense.
Ta trata di 4 dama venezolano, 2 hòmber venezolano i 2 dama kolombiano.
A pasa e personanan aki pa e departamento di imigrashon, pendiente di nan deportashon.
E kontrolnan aki ta kontinuá.
