Diasabra anochi polis di districto di Playa a tene un control di trafico severo. Nan tabata haci control pa droga y arma. Nan accion a tuma luga diferente caminda. Nan a tene e control entre otro na Tanki Leendert, na altura di APA na Playa y algun sitio mas.
Varios boet a cay, pa entre otro: maneha vehiculo sin un rijbewijs, no tin seguro na ordo, number di auto cu no tabata a paga full aña y hopi mas. Detencion tambe a cay durante nan control. Cu cooperacion di CEA pa transporta e detenidonan pa warda di polis.
E cantidad di boet cu a cay no ta conoci ainda pa nos. Pero segun informacion cu a logra haya ta cu e accion tabata fructifero. Por a nota tambe cu den districto di Noord tambe a tene un accion di listramento preventivo den area di Hotzone.
