Diadomingo anochi tambe a cuminsa cu un serie di detencion tur caminda. Polisnan ta traha overtime pa asina sali 9or PM en punto y cuminsa busca hende riba caya pa detene.
Den tur e distritonan tabata tin Polis extra riba overtime pa asina busca hende cu ta riba caya. A core den tur skina y tur barrio pa asina wak ken por detene mas hende. A para autonan riba caminda.
Mayoria di e hendenan deteni tabata na pia. Otronan cu tambe Polis a para riba caminda tabata rumbo pa trabou. Hunto cu CEA Polisnan por a haci e transporte di tur esnan cu nan tabata detene. Naturalmente e proceso di detene y hinca den auto y baha na warda no sa con sigur esaki ta den e lucha cu ta hibando contra Coronavirus.
Si un di e hendenan aki tin Coronavirus, nan lo mishi aki aya den warda of den e autonan di CEA y Dogcatcher cu tur consecuencia pa otronan y Polisnan mes. E virus aki por ser hiba cas tambe pega den otro camindanan cu no ta na bo man so cu ta ser laba cu alcohol etc.