Polisnan a tene accion diadomingo anochi na San Nicolas. Esaki ta e accion pa cu Toque e Queda.
Polisnan tabata warda 9:01 PM bati pa cuminsa busca hende riba caya pa cera. Den De Vuist tambe e Polisnan a yega. Nan a topa hende y haci detencion. Mientrastanto otronan di e barrio a core cu Polisnan. A cuminsa manda baranca riba nan.
E agentenan a hayanan ta pidi refuerso na grito pasobra barancanan a cuminsa dal riba e autonan di Polis. Mientrastanto prome cu refuerso a yega, e agentenan a ser avisa pa nan move mesora for di e sitio pa evita lo peor pa nan mesun bida.
“Trek Terug” ta e instruccion cu e agentenan a haya. A logra si bay cu esun deteni pero dimes cu algun deuk riba e patruya. A keda di prepara un team pa asina bay bek De Vuist pa busca e grupo core cu Polis cu un paranda di baranca.
