Den e relato cu Departamento di Salud Publico a manda awe pa prensa, ta mustra cu Aruba a haya un caso nobo di coronavirus.
Esaki ta bini casi dos siman despues di e ultimo casonan registra, ora cu a yega 100 mas o menos 13 dia pasa.
Ayera tabatin 1758 persona getest y awe el a bira 1780 persona getest di cual 102 tabata positivo, pues un caso nobo., 1679 tabata negativo, 82 persona a recupera (un mas cu ayera) y e cantidad di casonan activo a keda mescos, esta 17.
E cantidad di personanan den cuarentena a keda igual, cu ta 28.
A yega pues e 14 dianan despues di e ultimo caso positivo diagnostico y awor mester bay haci e contact-tracing si e tin di haber cu e mesun casonan activo, aunke mester bisa cu e cantidad di personanan den cuarentena a keda igual.
Di otro banda mester bisa cu e Toque De Queda tambe ta bayendo bon pa motibo cu pa dos dia sigui tabatin solamente dos detencion, di cual un di nan di ayera nochi ta un persona cu no tin caminda di biba. E area unda a detene ta unda normalmente e ta busca algo pa ta riba su cabes y cay drumi. Pues den tur area e datonan ta mehorando.
