Manera cu a anuncia fo’i trempan a haya varios jerrycan ta drif den awa.
Mas despues personal di Cuerpo Policial y Wardacosta tabata bezig den e mesun zona aki, recogiendo tur loke ta material confisca despues cu boto lo a yega tera den e zona aki.
A haya hasta tas cu paña. Tur esaki tabata den e area di Rincon, cerca di Vader Piet.
Polis cu helicopter y Wardacosta a traha hunto despues cu a drenta informacion cu tin holo di gasolin den e area. Polis a cuminsa cu un buskeda. Tambe e Park Rangernan ta envolvi den e buskeda. A kam af y ainda tabata bezig na costa ta busca. Helicopter di polis tabata presente den e zona. Te asina leu a bin haya jerrycan cu gasolin den dje ta loke a haya. No sa si den e proceso a haya otro material mas ilegal.
Tambe a haya cuminda, awa, buscuchi hunto cu e jerrycannan. Ta articulonan cu polis a logra haya n’e luga.
Te ainda no a topa cu boto cu por a yega tera den ora di marduga.
E helicopter di polis tabata riba un standby. Personal di Wardacosta tambe tabata den area. A menciona cu na otro boca tambe a haya material cu probablemente a drif yega.
Un rato prome personal di Wardacosta tabata den e area pazuid.
Long tambe a haya ta e ringnan di salbabida, cu ta material cu a bin topa benta riba beach.
E investigacion riba e hecho aki ta continua y lo keda pendiente pa mira si por tin hasta hende cu a yega tera. Mirando cu e lama tabata hopi bruto, pero den awa no a mira ningun lastro cu un boto of algo por a bolter. Pero si loke cu polis a confisca definitivamente ta di un of otro boto cu a yega cerca di nos isla.
