Diamars, 19 di Maart Migracion a cumpli 50 aña di existencia. Den e 50 añanan ey, tin varios di e ambtenaarnan a cumpli 40 aña den servicio di e departamento. Tin algun a baha cu pensioen.
Lori Simoons, ta un di e empleadonan cu ta trahando ainda, apesar cu e tin 40 aña ta trahando. E ta teamchef di Migracion y e ta splica cu ta un reto hopi grandi pa como ambtenaarnan di imigracion. Tur hende sa cu na mundo tin hende ta bin cu documentonan cu ta hopi dilanti. Pero cu e tiki material cu nan tin y e cu e conocemento cu nan tin, semper ta logra di wak si e documento ta falso si of no.
E retonan, di cambiamento di nomber, awor aki e no ta bay asina facil mas. Awor aki e sistema cu tin di radex cu por pone tur hende aden, esnan cu ta deporta, tin nan potret, fingerprint. E retonan ey pa Migracion ta hopi grandi cu awor aki ora cu bin, tambe por traha profesionalmente y por bisa e pasahero ken en realidad e ta. Ta hopi caso tabata tin, hopi mes segun Simoons, den e 40 añanan cu e tin trahando.
E tin mas cu 25 aña cu a traha como supervisor y awo e ta teamchef. Como supervisor e retonan ta hopi. Abo tin e ultimo palabra. T’abo tin cu tuma e decision y para p’e tambe. Si mañan bin bisabo cu e decision tabata malo, bo mester sa con y pakico a tuma e decision. Esey ta e retonan pa bira un supervisor. Hasta sinta den booth, e reto ta grandi, pasobra tin ora cu un hende bin bisa cu a bise algo of a papia cun’e onbeschoft of falt’e respet, tambe ta un reto, pasobra bo tambe tin cu bisa di bo banda, dicon a yega na e extremo ey.
Simoons gusta su trabao. Ta 40 aña y ta lanta tur dia cu e mesun smaak. For di prome dia cu el a cuminsa traha el a gusta traba y te ainda ta gusta e trabao. Retonan den bida ta hopi importante. Esnan cu a haya un reconocimento, ta dos persona cu ta bay cu pensioen, nan a haci hopi mas aña, trahando den e 50 aña. Simoons a comenta cu tur dia e ta conseha su coleganan pa duna tur loke tin. Nan ta tiki personal y ta hopi turista ta bin. Tur dia por conta riba cuater mil hende na entrada y na salida, depende di e dia. E por ta 4000. E no ta bira menos cu 4000. E por ta tres mil y pico, pero tur dia ta haci’e. Tur dia nan ta yuda tur e hendenan aki, nan ta klaar nan uit y klaar nan in. Ta purba di haci nan best. Simoons ta bisa un biaha mas cu e por gradici tur su otro coleganan, pasobra tur tur dia nan tey 12 pa 14 ora pa yuda pa e sistema por draai y pa tur hende ta feliz, Simoons a bisa por ultimo.
