En conexion cu celebracion di Dia di San Juan (Dera Gay), Departamento di Cultura hunto cu Comision Celebracion Nacional ta preparando pa e celebracion di Fiesta di San Juan, miho conoci como Fiesta di Dera Gay.
Marlene Lampe, di Departamento di Cultura, di Seccion di Implementacion y Lider di Proyecto Escolar di Dia di San Juan, a cuminsa na bisa cu aunke no por cambia historia, pero tur aña mester bin cu algo diferente. Semper Departamento di Cultura ta haci diferente actividad pa e muchanan di scol. E biaha aki specificamente Dera Gay.
Tur dia tin shete scol cu ta bishita Departamento di Cultura, ta trata di e muchanan di kleuterschool te cu derde klas di scol basico.
Tin hopi nacionalidad ta biba na Aruba pa cual Departamento di Cultura lo desea pa nan tambe ta mas involucra cu nos cultura.
Lamper a sigui bisa cu Departamento di Cultura lo tene dos dia pa bishita e diferente scolnan di nos isla y nan lo bay tin un caha cu articulonan di Dera Gay. Den e caha tin bandana, e calbas, ya cu no ta uza gay mas. Tin tambe e paña cu ta uza pa tapa wowo, e palo cu ta baila cu ne.
A duna un presentacion na e juffrouwnan di scol, di e canto di gay, e canto di galiña, etc; a transmiti informacion pa asina e docentenan pasa e informacion aki na nan alumnonan.
Pa un relato mas amplio, lesa bo matutino digital TREMPAN.
