Por a tuma nota cu ta papiando na e momentonan aki di un bloke sindical. Por a mira cu FTA ta un sindicato asina grandi, no ta forma parti di e bloke sindical.
Segun Hubert Dirksz, presidente di FTA, oficialmente el a compronde cu tin algo cu tin un bloke, pero e no sa ken ta conforma e bloke eynan y kendenan y pakico, tampoco. E no por bisa algo, pasobra e ta speculando e ora. E no sa precies kico e ta.
No a acerca FTA
Segun Dirksz, nunca a acerca FTA pa forma parti di e bloke. E ta sigur cu cerca e otro miembronan di directiva tampoco no a acerca pa FTA forma parti. No sa kico ta pasando e ora.
Conferencia di bloke
Si sindicatonan tin mag di uni pa atende cu un of otro problema, e ta importante. Dirksz ta apoya esey. Sinembargo cu si esey ta na prome luga, tin tur sindicato, esey no ta e caso.
Otro union sindical
Ultimo nan a haci un intento di tin un Union Sindical. E union sindical a traha. A reuni hopi biaha. FTA no a bay den ningun situacion caminda cu mester a atende cu excepcion di parti di criminalidad cu nan a sinta cu Gobierno un biaha of mas biaha, pero e otro puntonan, e union eynan a stop di reuni, mirando cu e situacionnan cu a presenta den cada sindicato, cu a palabra e ora cu lo bin bek depende di loke ta biba den comunidad cerca e miembronan.
Funcion di e bloke sindical
Dirksz ta pensa cu tur bloke lo funciona. Un sindicato mes lo funciona. Esey no tin duda, solamente cu Dirksz no sa de que se trata. FTA no a wordo acerca den ningun instante.
