Tin un situacion na Divi Phoenix, den e departamento di benta cu tin beneficio riba e forma cu nan ta bende. Tin un beneficio cu e trahadonan aki, basa riba turistanan cu ta bin, tin condicionnan cu nan ta haci e benta mas atractivo y esey ta indica e ora cu tin beneficio cu si bende pa periodo, e ora den e caso aki, den un periodo di dos aña, ora di bende, tin un lapso e ora e beneficio di benta tin mas entrada pa e trahado, cu e compania ta bisa cu ta bay haci riba un aña cual ta menos entrada pa e trahado.
E no ta mara na un CAO, pero si e ta un condicion di trabao, un beneficio cu e trahadonan tin pa hopi aña. Esaki a wordo discuti ampliamente. Compania a keda di bin cu un proposicion pa sali afo di e problema y te awor aki e compania a keda sin haci esey, segun presidente di FTA, Hubert Dirksz.
Tabata tin un deadline te cu 1 di September, pero esey no a pasa. Awor aki e trahadonan kiermen cu asina aki no por sigui. Pasobra mientras tanto e presion ta wordo poni riba e trahadonan. E trahadonan no por keda den un incertidumbre, unda nan beneficio ta pasa. Pesey nan a dicidi di protesta awe mainta.
Motibo valido
Segun Dirksz, e mundo di timeshare no ta un mundo facil. Aruba ta keda atractivo, Aruba ta keda un destinacion importante y kisas e tin un demanda, pero e ta leve, pasobra e competencia ta mas grandi. E trahadonan den e mundo di timeshare, nan condicionnan di trabao no ta malo, pero si ta sinti e presion di parti di companianan pa reduci esaki. Pasobra e mundo mes di timeshare tambe ta bibando bao di presion.
Solucion
FTA ta kere cu compania ta bin cu un proposicion cu e trahadonan ta acepta. Sigur no mishi cu un beneficio di trahado cu tey caba pa hopi tempo. Por sinta na mesa, delibera y basa riba discusionnan, deliberacionnan, por yega na un win-win situation cu ta faborece e trahado y e compania.
