Diabierna anochi prome cu 12’or a drenta informe di un pelea basta pisa andando na un cas na Kibaima, Santa Cruz. Mesora un patruya di Polis a presenta na e adres mencioma.
A splica polis cu un Mitsubishi Lancer color blanco a yega na e adres menciona y un grupo di homber lo a baha for di e auto. Nan a acerca un persona masculino y a batie formalmente. Despues di e acto aki, e grupo a drenta bek den nan auto y a huy for di e sitio. Polis a ricibi tur dato y mirando cu e victima su cara a keda bon golpea, a solicita presencia di ambulance tambe.
Na yegada di ambulance, e paramediconan a cuminsa trata e victima. Despues di algun rato, e paramediconan a opta pa hiba e homber hospital pa haya tratamento medico mas avansa. No ta conoci e motibo cu e grupo a bin bati e homber den gang. Polis tin e caso aki bou di investigacion y e descripcion a keda duna na demas patruya si mira e auto aki y e grupo abusador den auto.