John Cijntje kende ta director general di Autobus Bedrijf Curacao, hunto cu un delegacion ta di bishita na Aruba. Motibo di e bishita aki ta cu nan a mira cu como Autobus Bedrijf, cu ta importante pa dos compania, esta ABC, hunto cu Arubus, estrecha e lasonan social, pasobra asina tur cos ta cuminsa. Banda di dje bo tin e parti formal tambe. Tin cierto sistemanan por ehempel cu ta uza na Autobus Bedrijf cu na Aruba tambe ta haci uzo di dje y ta intercambia di experiencia, cual ta algo sumamente bon.
Di parti di Autobus Bedrijf, kier a stimula naturalmente un intercambio asina aki, pasobra e dos companianan ta crece.
Intercambio
Cijntje a sigui splica cu tin e parti social, pa e hendenan conoce otro. Pero por imagina riba aspecot di training di personal, cu por a join otro. Esforsa hunto pa yega na kisas tambe parti gastonan di training. No solamente esey. Ora ta papia di terminonan di piesa pa e busnan, cual ta e mesun tiponan tin na Corsou, tambe ta algo cu por join na experiencia riba dje.
Banda di esey, e aspecto di training en general, ta algo toch cu ta hopi importante.
Critica
Tur hende ta referi Hulanda cu loke tin na Hulanda, ta e organisacion. Tin un organisacion su tras y tin diferente partido ta traha hunto. Esey ta algo cu ta mas importante cu lo tin cu siña pa transporte publico den nos region. Traha hunto, compania kisas na Corsou e ta encera autobus bedrijf, hunto cu busnan chikito.
Fondo
Na Aruba transporte publico ta wordo subsidia. Na Corsou, Autobus Bedrijf tambe ta wordo subsidia. Nan tin tarifanan tambe cu ta social. Pero rond mundo bo ta haya e fenomeno cu transporte publico ta algo cu ta subsidia. Pero si bo bay den direccion di purba comercialis’e mas tanto y bay concentra riba duna un servicio cu ta confiabel pa e cliente, lo bo por crea e efecto cu mas ainda, mas tanto hende lo bay haci uzo di transporte publico. Nos conoce por ehempel e fenomeno ya caba cu turistanan ta haciendo mas y mas uzo di transporte publico. Turistanan awendia kier experencia e luga caminda cu nan ta bay di vakantie y ta oportunidad pa transporte publico pa tune in bisa riba esaki, drecha su servicio pa bay traha mas riba volumen. Na momento cu traha riba volumen, na e momento e prijs por bira algo cu bo por carga bo mesun operacion.
Competencia inhusto
Cijntje a comprente cu nan tin competencia. Nan tin e busnan chikito, cual ta mas of menos 350 pa 380 bus chikito, cual ta hopi. Den e mundo di transporte publico, ta mas importante pa bo join otro, pa hunto bo trece un servicio cu ta confiabel pa e hende cu bo ta transporta, e clientela. Asina ey bo ta crea e efecto cu bo ta hasta amplia e mercado di transporte publico.
Kedando bibo den e hendenan
E herment importante ta, percura pa bo ta na tempo. E On Time performance ta masha crucial den e caso aki.
