Den e weekend tras di lomba, nos atletanan Paralympico, Shenely Tromp y Yurwin Gomes a representa Aruba den un campeonato masha popular na Colombia yama Abierto Nacionales cu a tuma lugar na e ciudad di Barranquilla.
E atleta femenino Shenely a competi den 100m y 200m sprint den atletismo, mientras e atleta masculino Yurwin Gomes tambe a competi den atletismo den e 100m y 200m sprint. Nan a wordo acompaña pa coach Betto y Jovita Maduro. Mester bisa cu Shenely den pasado a trece medaya di Plata pa Aruba. Ambos atleta di Aruba ta preparando pa clasifica pa Parapan American Games, Lima Peru 2019.
Pa loke ta e resultado final, e hoben Yurwin Gomes a yega dos final den e 100m y 200m sprint cual ta un logro super grandi. Yurwin a presta hopi bon mes den e competencia preliminar pa despues drenta e gran final. Di otro banda Shenely tambe e core ambos disciplina bon pero lamentablemente e no a logra drenta e gran final na ambos occasion.
Lotto, e loteria di Aruba pa medio di Stichting Sportsubsidie Aruba a yuda subsidia e biahe di e delegacion di Aruba Paralympic Committee pa e Abierto Nacionales na Barranquilla, Colombia
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
