Diahuebs mainta un grupo di ciclista di BMX mester a biaha pa bay representa Aruba den exterior, pero no por a biaha. Nan a keda perhudica despues cu Aruba Airlines a cancela nan vuelo. E grupo ta consisti di 24 persona, 12 hoben y 12 adulto, a prepara delanta tur cos pa bay Corsou.
E aerolinea a cancela nan vuelo pa motibonan tecnico y esey a pone cu avion no por a lanta. Nan tur a yega aeropuerto pa 5:30 di mainta, unda cu nan a bin haya sa di e situacion. Nan no a ricibi garantia di e aerolinea si nan lo por bay Corsou ainda awe pa asina representa Aruba den BMX. Aruba Airlines tin mas avion, pero no por bisa si nan lo bula den oranan di mainta pa asina nan po prepara p’e competencia.
Nan a prepara duro p’e competencia cual nan tabata den training pa simannan largo. E grupo di BMX mester competi awe tardi na Corsou y nan ta disgusta di e situacion.
E grupo a presenta diahuebs mainta trempan, a haci check-in y bay paden, nan ta bin haya sa di e problema tecnico y avion no lo lanta. E grupo ta pendiente si nan lo biaha ainda, pero un contesta positivo cu nan lo por bula ainda cu otro avionnan no a ricibi di Aruba Airlines.
