E gobiernonan di Reino Hulandes ta lamenta profundamente e decision uniateral di e gobierno Venezolano pa cera e fronteranan cu Aruba, Corsou y Boneiro, riab dia 5 di Januari ultikmo. Venezuela a haci esaki a base di practicanan di contrabando cu lo ta tumando luga for di Venezuela via e islanan.
A base di esaki, Reino y Venezuela a tene contacto riba un aanpak conhunto di criminalidad fronteriso entre otro contrabando. Riba dia 12 di Januari ultimo, a tuma luga na Aruba un dialogo constructivo entre Reino y Venezuela y ambos partido a yega na acuerdonan riba e aanpak necesario riba contrabando door di entre otro intensiva e cooperacion di Douane. Reino mientras tanto a cuminsa cu implementacion di algun medida en contra di contrabando.
Ta na beneficio di Reino y Venezuela pa bin un normalidad mas pronto posibel entre ambos pais bisiña. Esaki ta pas den e lasonan historico y cultural cu tin entre e pueblo di Venezuela y e paisnan den reino. Reino pa e motibo ey ta haci un yamada na autoridadnan Venezolano, pa asina formalmente habri e fronteranan entre ambos paisnan, a base di acuerdonan cu a wordo haci riba dia 12 di Januari na Aruba, y alabes combati contrabando, e motibo pa e ciere di frontera, hunto riba un manera efectivo.
