SEPPA ta sinti cu henter e desaroyo rond di e independisacion di DPS ta basta vaag. E hecho cu no tin un bista con e statutonan ta hinca den otro, eventual sociaal statuut, tur eseynan no tey. Te awor aki tin diferente cos papia. Cla pa tuma un decision no completamente. Di un otro banda SEPPA tin cu pasa un procedura interno. Nan lo papia cu e delegadonan. Lo scucha tur miembro, segun Brito. Lo wak kico ta nan pensamento. Di un otro banda lo informa e minister di esaki. Pero pa tur eventual otro decisionnan, lo cana e caminda internamente cu e delegadonan, pa wak pa nan tambe ta na altura kico ta pasando. For di eynan, e caminda ta sigui cu e posicion cu SEPPA lo tuma den e situacion aki, cu ta concerni tur e docentenan cu ta cay bao di DPS y tambe tur e otro trahadonan cu no ta docente cu tambe ta cay bao di DPS. Di otro banda tambe lo mustra ki efecto lo tin pa tur e otro docentenan cu ta cay bao di otro fundacionnan.

Preocupacion

E preocupacion ta hopi grandi. Tin hopi incertidumbre. Desde cu e tema aki a bin p’adilanti, ta constantemente bezig cu gruponan cu kier informacion. Bo ta mira cu nan ta preocupa e trahadonan ki decision nan lo por tuma. Berdad e grupo cu tin un LB, p’e ta mas facil. Ta e otro, cual por mira cu tin e grupo cu tin MB kier bringa y bisa cu ta manera nada y SEPPA ta keda mustra nan cu nan tin derecho y tin cu alo menos lucha pa esaki y wak pa bo saca lo miho den e situacion cu a wordo crea na e momentonan aki.