Abogado David Kock cu ta representa DUCAPRO y SOCAN cu tabata e grupo cu a cuminsa cu e asunto mas tempran den aña pa cobra pa royalties a duna su reacion despues cu asociacion di radio emisoranan a firma acuerdo cu otro agencia di royalties.
“E asunto awor ta cambia unda cu envez di Socan, ta Buma lo mester wordo paga. E artistanan representa door di Socan, lo haya nan derecho via nan agreement cu Buma.” segun David Kock.
“Cu esaki e cobro di royalties tambe ta wordo concretisa. Algo cu e radionan a bisa cu lo no tabata posibel. Algo cu 30 aña largo a wordo purba a logra den apenas 3 luna, danki na e iniciativa. Awor por lo menos e radionan lo paga pa toca muziek di e artistanan y e artistanan lo haya compensacion pa e uso di nan muziek.” E abogado a finalisa bisando.