Brighter Future, Kidz Dynasty, Little Explorers, Peek A Boo Childcare, Pasadia Infantil Mini Kids Club, Piniel Kinder Care, Smile & Shine Peuterschool, Te Aworo.
Recientemente 15 trahado pedagogico di e diferente centronan di cuido y guia di mucha a termina e curso di Prome Asistencia/CPR y Siguridad paden y pafo di e centro di cuido di mucha. Fundacion Pa Nos Muchanan (FPNM) a organisa e training den colaboracion cu Rode Kruis, Brandweer Aruba y Jeugdgezondheidszorg.
E training a consisti di un diamars anochi y un diasabra intensivo unda a train con pa practica Prome Asistencia CPR. E parti di “Prome Asistencia CPR” tabata na encargo di Rode Kruis y cada trahador pedagogico a finalisa e parti practico exitosamente y a ricibi nan carnet cu ta valido pa 2 aña.
Diamars anochi a ricibi informacion di siguridad paden y pafo di nan centro di cuido y siguridad di baby enfocando riba e tema di drumimento safe. “Siguridad paden y pafo di bo centro” tabata na encargo di FPNM y “siguridad di Baby” tabata na encargo di Jeugdgezondheidszorg. Alabes a enfatisa, entre otro, ariba e importancia di prevencion di candela, plan di evacuacion y con pa haci uzo di un brandblusser cu a ser duna pa Brandweer Aruba.
Un curso exitoso tras di lomba caminda FPNM ta gradici Brandweer Aruba, Rode Kruis y Jeugdgezondheidszorg pa nan tremendo instruccion y alavez ta felicita cada trahador pedagogico, deseando nan exito den nan trabou cu mucha!
