Screening ta un discusion cu tur caminda tur dia hende ta puntra ki dia Gobierno ta keda cla, ki dia ta huramenta. Dangui Oduber, parlamentario di fraccion di MEP, a splica cu loke tin di compronde di formador, cu e proceso di entrega di sede bo asiento como e persona na e candidato pa bira minister ta tuma luga. MEP lo bay tin cinco minister. E ministernan aki tin cu entrega nan asiento, pone nan stoel disponibel. E ora e proceso di huramentacion di e miembronan nobo lo cuminsa y tur esaki tin cu bay en concordancia cu Gobernador di Aruba. Prome cu e proceso aki cuminsa, Gobernador mester duna un green light y den esey nan ta, pa e proceso oficial cuminsa pa e miembronan di Parlamento cu ta den Parlamento cu ta candidatonan pa bira minister, sede nan asiento y e proceso den Parlamento cuminsa pa aproba e geloofsbrieven di e miembronan di parlamento nobo. Una bes Parlamentonan di Aruba aproba e geloofsbrieven di e miembronan cu ta bay drenta parlamento, den e caso di fraccion di MEP, e ora e miembronan aki lo pasa over pa huramentacion como miembronan nobo di Parlamento y despues e proceso ta sigui pa huramenta e Gabinete nobo cu lo ta Gabinete Wever-Croes.
E wega den parlamento
Segun Dangui Oduber, esaki ta weganan cu a tuma luga na Corsou tambe. Esaki a sosode cu e fraccion mayoritario por perde mayoria den Parlamento y no ta spera cu fraccion di AVP lo bay hunga e tipo di weganan aki, pero sigur ta tene cuenta cu esaki pa semper e fraccion mayoritario cu ta sostene Gobierno, keda mantene e mayoria den Parlamento na momento cu un Miembro di parlamento cu lo mester bira un minister, sede su stoel, pa un otro miembro cu lo mester drenta na e momentonan ey.