Tabata alrededor di 12:30 am ora cu a sosode un accidente riba e caminda di Tanki Flip pa Hato. Aki ta caminda cu un dama chauffeur pa un motibo of otro a perde control y dal contra di un palo di luz.
E dama di chauffeur tabata su so den auto. E palo di luz a keda completamente destrui, cu consecuencia cu; henter e caminda for di rotonde di Tanki Flip pa rotonde cerca di Aruba Bank Hato a keda sin luz. Polis a presenta pa documenta e accidente.
E chauffeur tabata basta spanta pa cu e situacion, polis a trankilis’e na sitio y a splic’e cu; material ta menos mal. E auto mes ta un MG color cora numera A-9814. Na final un takelwagen a presenta pa lanta e auto. Personal di Elmar tambe a presenta pa atende cu e palo di luz.
