Diaranson pasa di 11:00 pm di anochi polis a bay tira bista den e area di Misa di Playa. A drenta informacion cu un auto Accent A-52077 a dal den un of mas auto y huy. A sigui e auto pero a perde direccion pariba den De La Sallestraat. Polis na prome instante no a topa cu e auto registra na un adres pariba di brug.
Djey a drenta informacion di un auto memey di caminda den Rudolf Arendsstraat. Eynan a bin topa cu e Accent cu a hit and run. E chauffeur segun testigonan a bandona e sitio na pia. Nan a duna algun discripcion. A pidi pa takelwagen. E auto tabata basta kibra. Departamento di trafico a ser avisa pa atende cu e autonan cu e Accent a dal den dje.
E chauffeur cu e Accent a core den verboden den Koningstraat dal den trafico di direccion contrario. Esey tabata banda di Manuelito’s. A purba wanta e chauffeur pero no a logra. El a huy dal den un pickup riba rotonde di Piet’s banda di De La Sallestraat. Di eynan el a sigui dal un auto mas te cu banda di Topcar e Accent a keda meymey di caminda.
