Tabata alrededor di 1:30 am ora cu polis a presenta den Weststraat den Playa p’un aglomeracion di hende. For di 1:00 am e clubnan a cera pero toch diferente persona a keda frecuenta parti pafo.
Den e proceso cu polis tabata pidi tur hende pa bandona sitio, algun individuo a cuminsa lanta voz cu polis y no tabata sigui ordo. A dun’e por lo menos dos chens pa e sigui su caminda, pero den e grupo, polis a logra detene un di nan.
E tabata cuestiona su detencion, na dado momento el a hasta puntra e agente cu a deten’e si; ta pasobra cu e tin cabey largo y tattoo, cu ta p’esey a deten’e. A splic’e riba su derechonan, pa despues transport’e pa ward’i polis caminda lo present’ dilanti un subfiscal.
