Diamars anochi, pa mas of menos 7’or y mey, un dama, cu un tiki hopi den curpa, tabata coriendo na altura di Citgo Paradera, ora cu dado momento el a perde control, bay den su banda y a bolter cu su auto.
Tabata trata aki di un Chevrolet color blanco, numera A-69997. Polis a presenta na e sitio y a bay cu e chauffeur warda. Afortunadamente no tabata tin ningun persona herida den e accidente aki. Daño material ta considerabel, aunke cu tin cu bisa, cu no tabata necesario, mirando e circunstancia con e accidente aki a pasa. Pesey tin e dicho cu ta bisa: Si bo no por bebe, lag’e den e boter.
