Diadomingo, pa mas of menos 4íor y 50 di atardi, varios patruya a wordo dirigi riba e caminda Kibaima-Tanki Flip, banda di Seguros Aponte, caminda un auto lo a dal contra un palo di luz, pa despues bolteer. Mesora patruya a presenta na e sitio y a pidi asistencia di ambulance cu urgencia, mirando cu tabata tin un dama herida. Na yegada di ambulance, mesora a cuminsa duna e victima asistencia, pa despues transporte pa hospital. Testigonan ta conta polis cu e dama a sali for di un supermercado, net un tiki mas pariba, for di unda e accidente a tuma luga. Aki dos auto mester a hala píe, debi cu e tabata core zig zag. Dado momento e Daihatus Terior, color preto, numera A-50970, lo a dal contra acera y a perce dontrol, a dal contra e palo di luz, pa despues bolter. Hendenan den vecindario a pone e auto bek riba su cuater wielnan pa asina personal di ambulance por a logra traha cu e victima. Elmar a wordo yama, pa asina desconecta e coriente, mirando cu wayanan cu tabata colga riba caminda, ta di coriente basta halto y ta forma un peliger. Ambulance a transporta e dama pa hospital pa tratamento medico avansa. DaÒo material ta considerabel.
