Jose Dania, miho conoci como “Joe” awe ta celebra e hecho cu el a nace 100 aña pasa. Para riba su pianan, bon na tino, fiel oyente tur merdia di Enfoke 90 cu nos colega Nelson “Speed” Andrade, deboto grandi di Misa di Dakota y un Dakotero di “pura sepa”, awe ta celebra den grandi cu su yiunan, nietonan, bisiñanan y conocinan. Di trempan e ta ricibiendo bishita, entre otro di ex Minister Presidente mr. Mike Eman y Parlamentario Robert Candelaria.
Di trempan famia a drecha cas pa celebra cu “Papai”. E ta tata di Ito, Ingrid, Gladys, Lando, Rubia y Eugenne. Na su cas ta yega regularmente amigonan manera Magda, Zelda y Godfried.
Pabien na Joe Dania awe, tata di e tumbero conoci Ito Dania, cu den añanan 80 a acapara atencion cu su estilo unico “Ata e tumba mi pueblo”. Awe lo tin un celebracion grandi, cuminsando anochi cu un santo sacrificio di misa, sigui pa un brindis na cas, net bandi di misa mes. Pabien!
