Despues di un vakantie di scol bon mereci, nos muchanan y hobennan scout a cuminsa cu un animo hopi halto pa start sali cu e di dos parti di aña cu nos actividadnan scout tan gusta.
Nos unidadnan di Verkenner y Explorer a bini hunto na Grape Field pa traha un vlot cu ta encera nos abilidadnan di scout cu ta uno di suma importancia pa scapa bida di hende den un situacion di emergencia y tambe pa simplemente navega riba lama.
Nos unidad di Welpnan a cuminsa tambe y a tene un dushi atardi na The Movies at Principal S.N. pa gosa di un bon pelicula. Esaki tabata un atardi social pa e welpnan existente yama bon bini na e welpnan nobo cu a caba di ingresa den grupo. Nan tur ta cla y prepara pa siña areanan nobo di scout.
E tabata un momento di team building pa nan por siña conoce y custuma cu otro y asina bai traha hunto cu otro.
Nos unidad di Bevers tambe a cuminsa yen di animo cu nan tema di baca pa e luna di september. E beversnan a haya tur caracteristicanan tocante di e baca, tur e productonan cu por sali di e lechi di baca cu nos por come. Nan a siña cu come cereal cu lechi mainta ora cu nan lanta for di soño cu ta hopi importante pa nan crecemento fysico. E beversnan a siña tambe con pa chica lechi di baca cual nan a gosa hopi.
Nos grupo kier a informa alavez cu nos ta habri pa tuma miembro nobo entre 5 pa 17 aña.
Pa mas informacion por tuma contacto cu nos na: via Facebook: Grupo Scout St. Paulus Michael
