Stichting Family First hunto cu Stichting MOBIS ta organisa un curso informativo specialmente pa hende homber tocante con pa ta Tatanan Campeon.
Den cuadro cu e vision di Stichting Family First “Famianan sano pa un Aruba prospero”, Stichting Family First ta sigui enfoca riba e importancia di relacionnan sano. Nan ta kere cu un di e yabinan clave pa alcansa e proposito den bida ta dor di relacionnan stabiel.
Basa riba esaki, Stichting Family First hunto cu Stichting MOBIS lo bay tene e curso informativo enfocando riba cada hende homber cu kisas tin un rol di tata awo of den futuro. E curso tin un duracion di 6 siman y lo toca diferente temanan entre otro pa kico tatanan ta importante, e diferente aspectonan di construi y reforsa e relacion di tata cu yiu, y hermentnan pa ta Tatanan Campeon.
Fechanan: 25 October 2018, 1, 8, 15, 22, y 29 November 2018 Ora: 7pm-9pm
Luga: Centro di Bario Brazil Pa registra of pa haya mas informacion yama 5820099 of 6999928
Tambe por tuma contacto cu Stichting Family First via e-mail: [email protected]
“Mi no por pensa di un necesidad mas grandi den niñez mas fuerte cu e necesidad di e proteccion di un tata” – Sigmund Freud
