Diabierna atardi, Curacao Tourism Board a tene un rueda di prensa na Paseo Herencia, pa asina anuncia di e diferente actividadnan cu nan lo bay tene durante e aña
For di Mei te cu fin di aña ta bay tin eventonan espectacular y ta invita pueblo di Aruba pa bin Corsou y disfruta di nan.
Diasabra atardi, esta awe, nan lo bay tin un evento na Paseo Herencia, caminda cu e pueblo Arubiano por disfruta tambe di musica cu diferente artista, cu yama “Bin Topa Corsou”.
Entre e actividadnan cu lo bay tuma luga ta Curadize Dance Experience, cual lo tuma luga dia 22 pa dia 26 di Mei. Durante e dianan aki nan ta pasa den diferente bario na Corsou, duna tayer di bailamento den diferente categoria. Treciendo asina un experiencia unico di baile na Corsou.
Otro evento grandi cu ta bay tin na Corsou ta programa dia 1 di Juni, cu ta Caribbean Gospel Song Festival 2019, cual ta un evento grandi. E cantidad di paisnan cu ta participa na e festival aki ta impresionante.
Esaki ta pa tur esnan di e genero aki di Gospel, cual ta un evento unico cu lo tuma luga na Corsou.
Riba e mesun dia, ta bay bira interesante. Pasobra ta papiando aki di Jazz Meets Culture. E ta un evento unico y grandi. Hasta dos di artistanan di Aruba, incluyendo Ataniro y Rocco Franken, ta bay ta na Corsou pa esaki.
Leslie Vos y Tony Sherman ta bay tin un concierto cu ta bay tuma luga dia 29 di Juni. E concierto yama “Amigos para Siempre”.
E dos artistanan aki lo presenta den Avila Beach Hotel. E evento ta cuminsa 8’or en punto.
Juli
Dia 2 di Juli, Corsou ta celebra su Dia di Bandera. Riba e dia aki ta bay tin e Festival di Pueblo.
Den e luna di Juli, Curacao International Golf Tournament ta tuma luga tambe.
Augustus
Den luna di Augustus, Curacao North Sea Jazz ya ta forma e calendario cu e Arubianonan tin pa nan bay Corsou y sinti e calor di e artistanan cu ta bin Corsou y duna nan presentacion. Esaki ta e di 9 edicion y e organisacion ta super contento y super orguyoso di e constelacion cu nan tin. E reaccion di Aruba cu tin, ta pasobra e nomber di artistanan a cay na smaak.
Den e ocho prome edicionnan, Arubianonan tabata parti grandi di e festival. E aña aki, e artistanan cu tin, lo bay bira ainda mas grandi.
A anuncia Ozuna y a anuncia Maroon Five. A anuncia Gladys Knight, Havana de primera y tambe Third World. Loke a keda añadi, tin Pitbull, Mariah Carey, Kenny G, Maxwell, Aloe Black y faltando ainda e dos monsternan. Casi no tabata tin luga pa butanan, pero dia 29, 30 y 31 di Augustus ta fechanan lo bo no kier pa nan bisabo cu e festival a tuma luga na Corsou y abo no tabata participe.
Na Aruba tin caminda cu ta bende e ticketnan, entre otro Maduro Travel y tambe por cumpra e ticketnan online via Ticketmaster. Prijs no a cambia. $195 pa anochi. Cumprando dos anochi, bo ta haya diahuebs anochi carchi gratis.
Poniendo e dos artistanan cu falta, lo haci e elenco di artista hopi mas miho.
Corsou tin hopi mas actividad cu ta bay tuma luga, asina ta bo tin e escogencia, ki actividad bo ta desea di bay y den ki fecha di aña.
