Dos ciudadano atento a tuma nota di e porta di Scol pa Polis E.J. Watty Vos na San Nicolas hancho habri y a bati alarma mesora.
Esaki a sosode dialuna atardi den careda di 4:45PM den Fortheuvelstraat San Nicolas.
Informacion cu a ricibi ta cu algun siman pasa agentenan a bin topa desconocinan den e cura di scol durante oranan di anochi. Nan a detene nan y hibanan warda.
Na momento cu a bolbe haya informacion cu e porta ta habri, unidad a presenta mesora na sitio, a tira un bista pero no a encontra nada particular. Tambe a tuma contacto cu esnan encarga cu e scol pa bin controla si tur cos ta intacto.
