Awe tabata dia di UTV cu a bolter. Cu esaki a bira e di tres UTV cu a bolter na diferente parti di nos isla. Prome asistencia tabata den area di Bushiribana bandi Boca Boedoei, segundo accidente tabata patras di Lighthouse direccion Tera Cora y despues ta pidi presencia di polis un biaha mas pa otro UTV cu a bolter den area di Sero Cristal.
Esaki a tuma luga den careda di 1:30 pm riba caminda di Koeriboeri. Un persona a resulta herida y trata pa ambulance. Durante tour un di UTV maneha pa un dama, lo a perde control y bolter cu e vehiculo. El a haya basta sla y tabata sclama di dolor mastanto na su rudia.
Habitantenan den area a yama polis y na nan yegada a pidi presencia tambe di ambulance pa trata e victima. A transport’e pa hospital mientras e compania di tour a atende cu e demas turistanan cu a keda atras na sitio.
