Tradicionalmente hopi hende ta opta pa warda riba dianan di fiesta manera Pasco y Aña Nobo pa regla tur problema bieu. E aña aki parce cu e ta pio pasobra algun dia sigui tin mas yamada pa problemanan social cu pa crimen mes. Polisnan ta haciendo e rol di trahado social mainta y anochi, mientras e instancia mes ta cu vakantie na cas.
Awe merdia a bay un cas na Pos Chikito pa un pareha den problema. E homber tabata patras di cas y su pareha tabata dilanti. Cada polis mester a hunga “Hues” den e bataya pisa net un dia despues di celebracionnan di Pasco.
Polis a corda e pareha e motibo real di Pasco, cu eyden tin un palabra scondi, esta “paz”. A conseha ambos pa leumay e discucionnan innecesario y biba den harmonia cu otro. Un bon rato mester a kita for di patruya riba caya, pa por a haci trabou di trahado social den un esfuerso pa purba logra paz den e bario di Pos Chikito. Ta parce cu e defensornan di ley a logra.
