Awe Banco Central di Aruba (BCA) ta publicae asinanan yama “Economic Outlook” pa 2018 y e“State of the Economy”pa e prome dos trimesternan di 2017. E puntonan mas importante ta wordo presenta abou.
Despues didos aña di contraccion economico, eeconomia Arubano ta premira pa resumi crecemento na 2017 y 2018 aumentandocu, respectivamente, 2,6 porciento y 2,7 porciento den termino real. E exportacion di servicio turistico ta e factor mas grandi di crecemento economico. Sinembargo, un condicion importante pa e crecemento ta e ehecucion (na tempo) di trabounan riba e refineria, pero tambe proyectonan di inversion grandi planea.Ehecucion di e proyecto di refineria ta wordo premira pa resulta denun nivel mas halto di e PDB pa e termino medio, pero cu un crecemento anual limita di produccion domestico.Sinembargo, tin un incertidumbreconsiderabel riba e proyecto aki.
E proyecciondi crecemento ta basa, entre otro, riba e recuperaciondi nos economia den 2017. Cifranan di turismo a mehora cu crecemento den ingreso turistico y expansionnan den e mercadonan Norteamericano y Latinoamericano (no Venezolano). E actuacion turistico di Aruba ta faborable comparacu su competencia den e region Caribense (ora exclui e mercado Venezolano).
Inversionnan di e sector priva a accelera den e prome dos trimesternan di 2017. E indice di percepcionnan di negoshi a crece remarcablemente den e di dos trimester di 2017, indicando cu tin un crecemento di confiansa den e economia di Aruba. Indicadornan di consumo ta sugeri cu e nivel di consumo a mehora cautelosamente den e di dos trimester di e aña.
Ingreso di gobierno a cay cu 0,8 porciento den e prome dos trimesternan di 2017 mientras cu gastonan di gobierno (incluyendo cambio den pagonan atrasa) a baha cu 1,1 porciento compara cu e mesun periodo di 2016.Debe di gobierno a yega na Afl. 4.188,6 miyon, un subida di Afl. 163,3 miyon den e mitar aña bou revision, y asina hisa e debe den porciento di e PDB na un nivel sin precedente di 87,7 porciento.
Placa den circulacion a baha cu 0,8 porciento te Afl. 4.134,2 miyon na Juni 2017 compara cu December 2016. Credito domestico a expande cu 0,3 porciento carga pa un aumento di 2,1 porciento den hipotecanan. E averahe di e tasa di interes riba prestamonan nobo a baha significantemente na 6,4 porciento, reflehando pa gran parti interesnan mas abou riba credito na empresa. Consecuentemente e margen di interes a cay na 5,0 porciento, e margen mas abou desde 1998.
Ecuenta coriente di e balansa di pago a registra un surplus di Afl. 170,6 miyon den e prome dos trimesternan di 2017, relata na entradanan fuertedi turismo. E deficit den e cuenta di capital y di finansa di Afl. 151,3 miyon awordo ocasiona pa entrada abou di inversionnan directo for di exterior pero tambe salida di fondonan for di e cuenta di inversion di portafolio.
Reservanan oficial a cay cu Afl. 11,8 miyon compara cu e fin di 2016. Consecuentemente, reservanan total (incluyendo diferencianan den revaluacion) a alcansa Afl. 1.917,9 miyon.E tasa di cobertura di importacion a yega 5,5 luna, cu ta 0,2 luna mas abou cu na e fin di 2016.
Tabel: Indicadornan economico principal pa prome dos trimesternan di 2017 | |||
Indicador | 2016
Jan-Jun |
2017
Jan-Jun |
Cambio |
Ingreso hotelero pa camber disponible (US$) | 197,12 | 218,14 | 21,02 |
Cantidad di turista | 576.739 | 526.743 | −49.996 |
Bishitante di crucero | 376.337 | 435.137 | 58.800 |
Indice di percepcion di empresa
(di dos trimester, punto di indice) |
100,2 | 104,6 | 3,8 |
Importacion di machinaria y aparatonan electrotechnico (Afl. miyon) | 130,4 | 145,0 | 14,6 |
Entrada di BBO (Afl. miyon) | 46,5 | 52,3 | 5,8 |
Impuesto riba entrada y ganashi (Afl. miyon) | 280,7 | 244,3 | −36,4 |
Tasa di inflacion, promedio anual (porcentahe) | −0,6 | −0,4 | 0,2 |
Indice di confiansa di consumidor
(di dos trimester, punto di indice) |
96,8 | 94,4 | −2,4 |
Fuentenan: BCA, ATA, CBS. |
E publicacionnan completo ta disponibel riba BCA su website (www.cbaruba.org).