Oficina di Turismo di Corsou ta haciendo su promocionnan. Hugo Clarinda ta director di Oficina di Turismo di Corsou y ta conta toch cu pa 2017 nan no ta satisfecho cun’e. Obviamente lo tabata tin algun motibo cu a afecta nan gravemente.
Uno ta e situacion na Venezuela cu, mirando e grandura cu e mercado tabata pa Corsou y con duro e ta cay, ta afecta total di e cantidad di turista cu ta yega Corsou y tin e situacion di Insel Air, cu tambe ta afecta nan grandemente, pasobra Insel Air tabata trece mas of menos 20% di e turistanan cu ta yega Corsou. Insel Air tambe a cay afo. Bo tin e dos factornan ey cu ta haci un diferencia hopi grandi den bo turismo, aunke cu tin cu bisa cu e mercadonan mas principal a perform bon, pero e dos factornan ey ta influencia cu bo ta negativo den bo totalidad. Si saca eseynan afo, bo ta mira cu lo tabata positivo.
Un local carrier
No necesariamente mester tin un local carrier. Si bo por haya suficiente vuelo di companianan stranhero, tambe bo ta trece bo turistanan. No necesario bo mester di un local carrier. Pero tin un situacion aki caminda cu tabata tin un local carrier, cu ta domina riba e mercado. 20% di tur bo turistanan e ta trece y el a cay afo. Si tabata tin companianan stranhero tabata haci tur e vuelonan ey, no lo a sinti e efecto.
E punto no lo ta cu mester tin un local carrier. Semper ta bon pa tin un propio aerolinea, pasobra e ta yuda e conectividad etc. Pero e hecho cu e tabata asina dominante riba e mercado y mescos cu na aeropuerto, tabata conta pa casi 50% di henter e trafico di aeropuerto, na momento cu e cay afo, e ta un sla hopi duro pabo y e aeropuerto den e caso aki.
Otro mercadonan
E mercado Europeo ta esun di mas importante y tin cu destaca e mercado Hulandes, cual ta esun di mas grandi cu ta draai keto bay hopi bon. Incluso a haya cinco vuelo adicional for di KLM, cual lo bay crece mucho mas ainda. Tin e mercado Aleman tambe, cual ta un di e mercadonan cu ta draai bon. A perde si e vuelo di recto di Air Berlin, pero ta trahando pa reemplase. Na di dos luga tin e mercado Mericano, cual na Corsou no ta dje grandi ey, manera otro islanan den Caribe, pero cu ta bay focus hopi riba dje e aña cu ta bin. Ta bay inverti hopi mas den e mercado Mericano pa crece esaki mucho mas. Esaki di acuerdo cu e masterplan pa focus mas tanto Mericano Corsou den e añanan aki cu ta bin.
E enfoke riba e mercado Mericano
Aruba ta biba di e mercado Mericano, siendo cu un stap a yega Corsou. Segun Clarinda, ta decisionnan cu a tuma luga den pasado cu a focus riba e mercado Europeo. Tin hopi hotel cu ta cater e mercado Europeo y no a focus riba e mercado Mericano. Aunke hopi estudi cu a wordo haci den pasado, tur tabata bisa y ta sigui bisa keto bay, cu bo tin cu crece e mercado Mericano, inverti mas den e mercado Mericano, pasobra e Mericano ta gasta mas, e ta paga mas pa un camber di hotel. Obviamente tabata tin tur estudio haci pa bay focus mas riba e mercado Mericano, pero nunca tabata tin e fondonan necesario pa haci’e.
Otro aña si lo bay tin fondonan adicional y e ora por bay awor bay focus riba e mercado Mericano.
