Segun Anko Ringeling director di AZV, Mundialmente ta wordo calcula, cu entre 20 of hasta 40% di e gastonan medico, no ta util. No tin un efecto desea.
Esey ta algo mundial y cada sistema mester purba di wak, detecta e cuido cu no tin e efecto desea y purba di drecha esey pa un cuido mas efectivo y eficiente. Esey ta keda un reto di tur sistema di cuido medico y pesey tambe na Aruba ta keda un reto cu, conhuntamente cu e dunadonan di cuido, mester cada bes analisa e manera con e cuido ta wordo duna, pa asina e wordo haci na un manera mas efectivo y mas eficiente. Por ta por hala atencion tambe di por ehempel un di e kehonan cu ta wordo hopi scucha den publico, den nos comunidad, ta e lista di espera (wachtijden). Den e mesun rosea, hopi hende ta bisa cu mester tin mas specialista, of mas dokter di cas.
Experiencia di AZV ta mustra cu no tur ora esey ta e causa di e listanan di espera.
Por ehempel hopi biaha tin suficiente cupo pa cierto specialista, pero, e no ta logra hospital of e no ta logra AZV pa haya un specialista cu ta dispuesto pa bin traha na Aruba. Hopi biaha hospital por ehempel ta traha cu dokter cu ta bin temporalmente na Aruba cu no ta haya un situacion deseabel, pasobra e ora cada biaha cu e pashent bin, e ta haya su mes cu un otro dokter.
Kier preferiblemente un dokter cu ta na Aruba permanente. No ta tur ora e ta logra pa yena un cupo cu tin cu un dokter cu ta dispuesto pa bin traha na Aruba permanente. E resulado ta cu na e momento ey, bis’e cu no tin suficiente dokter y e ora ta haya un lista di espera, no pasobra cu tin suficiente placa pa paga un dokter, pero no por haya un candidato cu ta dispuesto pa bin traha aki.
Un otro factor por ta, cu hospital ta splica cu nan tin den un cierto specialismo, diferente specialista di e mesun specialismo. E pashentnan ta bin pa un cita y e kier pa e wordo scucha door di dokter A, aunke cu dokter B, C cu D tambe ta disponibel. E por haya un cita mas lihe por ta cerca B,C y D. Pero e ta insisti cu e kier bay cerca dokter A. Si Dokter A ta un dokter popular, cu tin fanclub grandi, e ora eynan automaticamente e pashent lo mester warda un poco mas cerca dokter A.
Tin diferente factor cu por hunga un rol. AZV, hunto cu hospital, specialmente e asina yama medische staff, e asociacion di specialistanan cu ta trahando den hospital, a delinea, e cantidad di cupo cu segun AZV ta necesario na Aruba, pa duna un cuido adecua, tanto pa e cuido medico mes, pero tambe otro factornan, por ehempel cuanto tempo un persona mester warda te ora cu haya un cita cu un specialista.
E manpowerplanning eynan a haci’e den conhunto cu e directiva di hospital y e directiva di e staff medico.
