Riba diaranson, 14 di october Corte a rechasa e demanda di un persona doño di un apartamento kende a pidi pa saca e huurdo pa motibo cu el a cay atrasa den pago di huur. A rechasa e demanda basa riba circunstancianan specifico di e caso.
E huurdo a pidi pa baha e huur temporalmente for di 900 pa 500, ya cu debi na su situacion reinante no por spera cu por wanta e huur na e suma acorda inicialmente.
Den e caso specifico aki, Corte a dicidi tambe cu e cantidad di lunanan normal di incumplimento a wordo subi for di 3 pa seis luna. E huurdo te na momento di crisis di coronavirus tabata paga e huur completo y na ora.
Loading…
Reload document 
Open in new tab Pero ora cu e crisis a surgi, el a perde su trabou y for di e tempo ey e tabata depende solamente di 950 florin pa luna cu e ta haya for di FASE. Pa e motibo ey e no por paga mas cu 500 florin pa luna; no a menciona ni a demostra cu e huurdo ta biba den luho.
Tambe Corte a bisa cu e doño di e apartamento no ta un persona cu banda di su pensioen legal, ta huur un apartamento acerca pa cumpli cu su gastonan. Banda di e apartamento aki, e tin cinco otro apartamento na huur. E no a demostra cu documento of hustifica cu e lo por haya su mes den un situacion financiero dificil cu reduccion temporal di huur di e apartamento aki.
E situacion sinembargo, Hues a bisa tambe, cu e situacion reinante no ta nifica automaticamente cu e riesgonan ta bay totalmente pa e huurdo. Esaki ta nifica cu no automaticamente e problemanan cu e pandemia a trece cu ne ta riesgo pa e huurdo so.
