Awe 36 persona a recupera di COVID-19, a bin acerca 15 caso nobo di cual tur ta residente, (“positivity rate” bou residente ta 16%). E total di casonan activo te awe ta 287 y e cantidad di testnan haci ta 235. Testnan haci bou di residentenan na laboratorio di hospital ta 96. E total di casonan di fayecimento relaciona na COVID-19 a aumenta na 34. Palabranan di forsa na famia di e fayecidonan.
Hospital ta informa cu tin un total di 12 persona interna di cual 10 ta isola riba piso general. Den ICU tin dos persona interna.
Pa por sigui controla e pandemia di COVID-19 ta importante pa comunidad ta alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
