Dialuna den careda di 4:30 di atardi polis a ricibi informacion cu lo tin un accidente na Rooi Frances y cu lo tin un persona herida. Na yegada a topa cu 3 auto cu basta daño material net den e birada unda por bira pa bay Rooi Taki.
E Toyota Yaris color cora kima numera A-65698 tabata bini cu un speed basta halto for di pariba y a medio perde control den e birada banda di e caminda cu ta bay pa Rooi Taki. E auto a slip y raspa e MG3 cu tabata pasando e momento ey. Un Nissan March cu a mira tur cos a para, pero e Toyota a sigui slip y e chauffeur a logra stop na tempo. Un di cuater auto a dal contra e Nissan March, pero pa un motibo of otro a bandona sitio.
Polis a presenta n’e sitio pa tuma declaracion di tur partido envolvi. Algun persona a informa polis di a mira cu e chauffeur dje Toyota a warda algun boter den bahul. Di biaha a laga e chauffeur supla y esaki tabata mas cu e limite. A deten’e y transport’e ward’i polis.
Ambulance tambe a presenta na sitio pa atende cu e chauffeur di MG3, pasobra e no tabata sinti su curpa bon. A cera e area un rato, pa asina tanto polis como roadservice por a haci nan investigacion.
